Gwybodaeth Allweddol
Goruchwylwyr Academaidd: Dr S Sharma a’r Athro K Lewis
Goruchwyliwr y Diwydiant: Yr Athro C Hopkins, Sefydliad TriTech, Bwrdd Iechyd Prifysgol Hywel Dda
Dyddiad Disgwyliedig y Cyfweliad: Mai 2022
Cefndir:
Mae pobl yn datblygu methiant resbiradol am amrywiaeth o resymau, gan gynnwys clefyd yr ysgyfaint difrifol a chronig, problemau â mur y frest neu asgwrn y cefn, clefyd niwrogyhyrol, gordewdra difrifol, meddyginiaethau tawelyddu, neu’n aml cyfuniad o’r uchod.
Y ffordd bwysicaf o roi diagnosis ac o fonitro methiant resbiradol yw mesur lefelau ocsigen (isel) yn y gwaed a charbon deuocsid (uchel) yn y gwaed. Gallwn fesur ocsigen drwy synwyryddion anfewnwthiol sy’n mesur golau isgoch plygedig ar chwiliedyddion blaen bys. Fodd bynnag, ni all y dull hwn fesur lefelau carbon deuocsid neu asidedd (pH) yn y gwaed yn ddibynadwy. Nid yw samplau gwaed gwythiennol hefyd yn fanwl gywir i fesur carbon deuocsid. Felly, mae’n rhaid i glinigwyr samplu gwaed rhedwelïol (neu gapilarïaidd weithiau) ac mae hyn yn golygu gosod nodwyddau mewn rhydwelïau, sy’n boenus, weithiau’n dechnegol anodd (methu’r targed), yn cymryd amser, ac yn beryglus o bryd i’w gilydd (gan gynnwys gwaedu, difrod i nerfau). Mae yna oedi byr hefyd wrth i’r samplau gwaed gael eu cymryd i beiriannau mesur a gall gwallau technegol ddigwydd yn ystod gwaith samplu a chludo gyda swigod ocsigen wedi’u dal, er enghraifft, neu ocsigen yn cael ei dreulio gan gelloedd coch y gwaed.
Byddai’r gallu i fesur dirprwy ar gyfer carbon deuocsid a pH rhedwelïol yn rhoi buddion clinigol cyflym a dwys. Hyd yn hyn, nid oes neb wedi datblygu mesuriadau trwy’r croen sy’n fanwl gywir neu’n ddigon dibynadwy i lywio gofal clinigol. Mae hylif gwagleol y croen yn drysorfa o biofarcwyr ac yn gweithredu fel ffenestr i mewn i’r corff. Gellir ei weld gyda chyn lleied o fewnwthiad gan ddefnyddio araeau micronodwydd. Gellir addasu’r araeau micronodwydd hyn â haenau metelig a haenau ymarferol i greu dyfeisiau synhwyro electrogemegol amryfath.
Nodau’r Prosiect: Nod y prosiect hwn fydd:
Bydd yr ysgoloriaeth ymchwil EngD amlddisgyblaethol hon yn cael ei goruchwylio ar y cyd rhwng Dr Sanjiv Sharma, yr Athro Keir Lewis a’r Athro Chris Hopkins. Fel rhan o’r ysgoloriaeth ymchwil hon, bydd yr ymgeisydd yn cael ei gefnogi i ennill sgiliau peirianneg ar wneuthuriad dyfais a phrofiad ymchwil drawsfudol drwy weithio ar y cyd mewn lleoliadau clinigol. Bydd yr ymgeisydd llwyddiannus yn gweithio’n agos gyda’r GIG lleol a bydd ganddo fynediad digyffelyb at arbenigedd a chyfleusterau’r Sefydliad TriTech newydd ei sefydlu yn Llanelli.
——————————————————-
Mae COATED M2A yn cydnabod bod gan ymgeiswyr amryw o gefndiroedd gyda phrofiadau addysg ac ymchwil gwahanol. Nid ydym yn disgwyl i ymgeiswyr fod yn ddefnyddwyr medrus o unrhyw dechnegau/offer y sonnir amdanynt ar adeg y gwneir y cais. Ein ffocws yw uwchsgilio ein cyfranogwyr a bydd hyfforddiant yn cael ei ddarparu.
Mae COATED M2A, yn y Gyfadran Gwyddoniaeth a Pheirianneg, yn fenter Prifysgol Abertawe sy’n darparu hyfforddiant ymchwil ôl-raddedig mewn partneriaeth â diwydiant, gan ddarparu mynediad at labordai o’r radd flaenaf a chyfoeth o arbenigedd academaidd a diwydiannol. Mae COATED M2A wedi ymrwymo i ddarparu cyfleoedd ymchwil o ansawdd uchel o fewn amgylchedd cynhwysol, a ariennir gan Swyddfa Cyllid Ewropeaidd Cymru (WEFO), y Cyngor Ymchwil Peirianneg a’r Gwyddorau Ffisegol (EPSRC), Prifysgol Abertawe a phartneriaid mewn diwydiant.
Wedi’u plethu drwy’r astudiaeth ymchwil mae cyrsiau busnes, technegol a entrepreneuraidd, wedi’u dylunio i gefnogi a pharatoi ymgeiswyr ar gyfer rôl uwch mewn diwydiant neu’r byd academaidd ar ôl cwblhau eu hastudiaethau.
Mae Siarter Athena SWAN yn cydnabod gwaith a ymgymerir gan sefydliadau i ddatblygu cydraddoldeb rhywedd. Mae’r Coleg Peirianneg yn ddeiliad gwobr efydd Athena SWAN ac yn ymrwymedig i fynd i’r afael â chynrychiolaeth rhywedd anghyfartal. Croesewir ceisiadau gan fenywod a grwpiau eraill a dangynrychiolir yn arbennig. Bydd pob cais yn cael ei wneud yn ddienw cyn y broses o lunio rhestr fer.
A ydych chi’n ystyried gwneud cais ac a oes gennych gwestiynau yr hoffech wedi’u hateb? Dewch i gael sgwrs un-i-un gyda ni yn ein cymhorthfa ymgeiswyr (Dolen). Rydym yn annog pob ymgeisydd i adolygu ein dogfen awgrymiadau a welir yma
Cwmni sy’n Noddi: Sefydliad TriTech
Cymhwysedd
Mae’n rhaid i ymgeiswyr fel arfer fod ag o leiaf gradd israddedig ar lefel 2.1 (neu gyfwerth o’r tu allan i’r DU fel y diffinnir gan Brifysgol Abertawe), neu gyfuniad o radd a phrofiad cyfwerth i’r un lefel.
Fel arfer, byddem yn disgwyl i ymgeiswyr fod wedi bodloni gofynion Saesneg y brifysgol (e.e. IELTS 6.5 yn gyffredinol gyda 5.5+ ym mhob cydran) pan wneir y cais.
Gellir gweld cymhwysedd llawn yn https://materials-academy.co.uk/cy/cymhysedd/
Ariannu
Ffioedd ar gyfradd y DU a chyllid o £20,000.00, y ddau ar gyfer cyfnod o bedair blynedd.
Ar gyfer manylion llawn ar gymhwysedd cyllido, cyfeiriwch at wefan yr Academi Deunyddiau a Gweithgynhyrchu (M2A). Cymhwysedd Myfyrwyr | M2A (materials-academy.co.uk/cy/cymhysedd).
Mae’n rhaid i ymgeiswyr fod â’r hawl gyfreithiol i fyw/gweithio yn y DU ar ddechrau eu hastudiaethau (nid yw fisas myfyrwyr yn berthnasol).
Dyddiad cau: 3 Ebrill 2022
Dyddiad dechrau: 1 Hydref 2022
Dylid cyfeirio ceisiadau ac ymholiadau anffurfiol am yr ysgoloriaeth ymchwil hon dros e-bost at: